ЦӀерцара кхерамзле лораеш хилара тӀахьех Мехкадас бахархой
Ӏалама моттигашка цӀераш ювлара кхераме ха хьаоттарца, цу оагӀонцара болх чӀоагӀбеш ба мехка. Мехкадас Келаматанаькъан Махьмуд-Ӏаьлас бахархошка кхайкарал ду лоралуш хила, цӀераш яржара бахьан ма хилийта, яхаш.
«Мехкарча берригача бахархошка кхайкарал ду аз! Ара цӀераш ма етта, нувхаш йоагаеш дола гӀулакх дита, цӀерцарча кхерамзлен хьалаца дувзаденнараш теркалдеш хила», - язду вай Мехкадас ший вахара оагӀонашка. Республикан кулгалхочо белгалдир, таханара хаоттам хьунашта, кхыйолча моттигашта кхераме лоархӀаш болга. Цунга хьежжа МЧС, МВД, экологеца ювзаеннача моттигашкара къахьегамхой шоай болх чӀоагӀбаь хьувз.
«Нагахьа санна цӀи яьнна моттиг шоашта хоаеннаяле, ма хулла сихагӀа хоам бе цу оагӀонцарча болхлошка», - белгалду Мехкадас.
Геттара фийла хила везаш ха латтарга хьежжа, МЧС болхлой ди-бийса ца къовсаш къахьегаш ба, массахана кийча хила безаш. Хьунашка чуухараш совцабаьб, кхаьч-кхаьчача цӀераш етташ, нувхаш йоагаеш дола гӀулакх дӀадаккха деза. Иштта 24 сахьата тӀахьожам лоаттабу хьун моттигашта, нагахьа хатар хинна болх хуле, моттигашкара бахархой а тӀаозаргба хатар юстардоаккхаш гӀо де. Къаьстта йоккха терко ю хатар хиннача болх бу машинаш массахана кийча хилийтара. Болх беча моттигашта Мехкадас тӀадиллад йокъаенна баьцаш дӀахьакхар, цӀи ялара кхерам болча доагара ца эша кхоачам а дӀабаккхар. ЦӀераш ювлара кхерам бола ха дӀаяллалца, латтаргда из гӀулакх.
