ГIалгIайчен кулгалхочо мах бир, цIай долча деношка моттигерча къахьегамхошта карагIдаьнначун
Глава Ингушетии Махмуд-Али Калиматов оценил надежную работу региональных служб в праздничные дни, когда для обеспечения безопасности и комфорта жителей и гостей Ингушетии трудились несколько тысяч специалистов и работников различных профильных структур, информировали газету «Сердало» в пресс-службе руководителя региона.
«ДIадахача 2022 шера итт дийнахьа хинна наьха 143 лоткъам а иштта карарча 2023 шера хинна 99 лоткъам а нийсбича, гуш да укхазара хьал дикка тоаденнилга», — аьнна, белгалдир ГIалгIай Республикан паччахьалкхен кулгалхочун гIонча волча Йовлой Мухьмада, ше ГIалгIай Республикан кулгалхочунна Келаматанаькъан Махьмуд-Iаьлага, цIай долча деношка баьча балхах дувцаш. Цо белгалдир; сердал, газ, хий хургдолаш; кулгалхочун администрацена а иштта региона паччахьалкхенна а чубоагIаш болча наха болх лерттIа дIабихьа хилар.
Цо яхачох, болх дика вIаштIехьабаккхара, из лерттIа дIабахьара оарцагIъяьккхаяр 60 саг чувоагIа 12 тоаба, иштта 12 лаьрххIа йола техника.
Нагахьа санна царех цаI сеца хилча, сиха хоам кхоачар е сердал, е газ, е хий цахиларах. ХьатIайоагIача хана цу тайпара болх дIабахьа безаргбола моттигаш гучаяьлар, хIана аьлча цу моттигашка хатараш дукхагIа нийслора.
Белгалдир, кердача шера салоIача деношка оарцанха ухача наьха тоабаш ткъаь ворхIазза хоам баьча моттиге яха хилар, цар гIо дир 27 сага, цу юкъе ши бер а дар. ЦIерах нах лорабераша шин моттиге цIи йоаеш а нийсделар, иштта машенашца новкъа хьовзам хинна ши моттиг а нийсъелар.
Нийсденнача зуламий мах беш, Йовлой Мухьмада белгалдир, Наьсарерча Московски урамах, малаш ба ца ховча наха шоайла герз дийтта моттиг хилар. Из бахьан долаш, Дибаранаькъан цаI веннав, хIаьта Доврбиканаькъан саг дарбанче нийсвеннав. Цу хатарах уголовни гIулакх хьадийллад.
Иштта дийцар, дIадахача салоIача итт дийнахьа «112» яхача бувзамга ихача хоамех а. Автодора Министерствон болх а белгалбир, салоIача деношка наькъ тIа машенашца хьовзам хургбоацаш, никъ бошабеш, ша ца хулийташ, къахьийгар цар, цу даькъе мел эшар дир цига къахьийгараша.
ДIахо ше къамаьл деш, Йовлой Мухьмада белгалдир, эпидемиологически хьал вайцига мишта латт. ГIалгIай Республикан унахцIенон Министерствос яхачох, ОРВИ оалаш дола лазараш кIезигденнад. Таханарча денга кхоачаш, бераш а боккхагIбараш а могаш боацаш геттара дукха ба ала йиш яц, эпидеми яха дош цу юкъе хIанз доагIаш дац.
Келаматанаькъан Махьмуд-Iаьлас баркал аьлар ГIалгIай Республикан МЧС, наькъашта тIахьожам лоаттабеча, унахцIенон болхлошта, бокъонаш лораерашта, цар шоай болх дика дIабахьарах. Цо белгалдир, 2023 шерара декхараш кхоачашдар мел лоархIаме да, иштта тIадиллар ГIалгIай Республикан паччахьалкхенна, уж толамаш доахача массе оагIорахьара дакъа лоацаш хила, аьнна.
