2010 шера хиннача переписех, вай дар 415 эзарга кхочаш. 100 эзар саг дукхагIа тIакхетар а вай региона доккха дикахетар да, аьлар Мехкдас. Теркалдир, перепись ярах хиннача пайдаша дуккхача хIаман тIехьа гIо дергда аьнна.

Масала: керда проекташ, программаш хьакхоллаш, цар кхоачам мишта хила беза хьожаш. Перепись яро хьахьокх вай бахархой вахара хьал, дешари, балхеи моттигаш. Вай къаман нах шоай декхараш довзаш, лерхIам бе ховш ба.

Цунга хьежжа аз дехар ду, гIулакх мел ца долийташ, переписе дакъа лоацаш хила аьнна. «Госуслуги» яхача сайте гIолла переписе дакъа лаца торо я моллагIча вахархочун, МФЦ болхлой бIарччача дийнахьа наьха гIулакхага хьожаш ба.

Лайчилла бетта, 7-ча денга диллача, 87,6% наха перепись яьй вайцига, «Госуслуги» портале гIолла чакхбаьннараш — 7,1%.