«Паччахьалкхен кулгалхочо белагалдаь ма хиллара, мохк тахан къовсам лоаттабеш ба, «вай наьха вахар, кхерамзле бахьан долаш, вай кортамукъале йолаш, Россе дахархой долаш, вай бокъо йолаш, эзар шерашка денз ший истори дола паччахьалкхе йолаш хилийтара тIехьа».

Бакъда селхан денз вайна хьахозаш латтар, Россена беш бола тийшаболх ба ца аьлча, кхы ала хIама дац.

Белгалдаккха безам ба са, ГIалгIайче эггара халагIча хана а Даьхе лораеш лаьттарех хилар. Тахан вай майра бIухой, эггара халагIча хьалашка, вай кхоане бахьан долаш, моастагIа юхатохаш латаш ба. Со тешаш ва, ГIалгIайчен бIухой цIаккха а баргбац харцахьарча хIаман тIехьа.

Кхетаде хала да Пригожина, цунна гонахьарча гIозаро леладер, тахан Россе кхоане бахьан долаш шоай са Iодилла кийча болаш, моастагIа юхатохаш латаш болча бIухошта букъ тIехьашкахьара тоха урс санна да из. Вай Президента цу хьалах вай кхераш цахилара а сатийна хилара а чIоагIо лу. Тахан вай дерригаш Президента гонахьа, из хьаллоацаш, хила деза, Россе халкъ массахана хиннад, хург а да Путин Владимира тIехьа, из чIоагIа а низ бола а политик ва, дерригача дуненна цIихеза саг ва, ший чIоагIача политикаца вовзаш хиларах», — язду Макшарипа Махьмуд-Iаьлас ший телеграм-канале.

Мехка бахархоша язду, наьха цхьоагIо хила езарах, лаьрххIа йола тIема операци дIахьош болча бIухоша, чIоагIагIйола тIема бокъонаш лелае езарах. МоллагIа дола Российски Закон телхаде гIертар доккха зулам да.

Нах тешаш ба, уж халонаш тIехьашка а юсаш, дукхача ханашка машар а этта, российски паччахьалкхе яхаргхиларах.