Эпсарашца кхетаче йир вай Мехкадас
Глава Ингушетии Махмуд-Али Калиматов встретился с мужественными, благородными, сильными духом, преданными Отечеству воинами — ингушскими офицерами, несущими службу в различных регионах Российской Федерации, информировали газету «Сердало» в пресс-службе руководителя республики.
«Мохк лорабеш, яхь йолаш лаьттаб вай дай селхан. Тахан, къонабараша дIахо дIахьош ба из сийдола никъ. Царна юкъера дукхагIабараш тIема операцен доакъашхой ба. Дуккхача наха хьалхашка масал долаш, шоашта хьалхашка латта декхараш дизза токхаш хьабоагIа вай къаман къонахий», — белгалдир ший телеграм-канале Мехкадас. Республика кулгалхочо аьнначох, таханарча дийнахьа, Россе эскаре шоай декхараш дIахьош, вай мехкара 325 саг ва.
Царна юкъера 225 хIетта кхийна кагирхой ба, 2023-ча шера бIаьсти эскаре тIабийха. Вай къаман сий доаккхаш, шоашта тIехьа дика лар юташ чакхбоалаш ба уж. Мехкадас хьоахадир, таханарча дийнахьа, вай къаман 100 курсант Россе лораярах йолча министерствон вузашка дешаш болга. Келаматанаькъан Махьмуд-Iаьлас терко лоаттаю цар хьатIаийцача гIулакха, цар шоай гIулакх мишта дIахьу тохкаш хул. Геттара гIадвугаш да, вай къаман къонгаш сийдолаш, Даьхен яхь лораеш чакхбоалаш хилар. Республикан кулгалхочо белгалдир, цаIаш дIабаьлча, шоллагIбараш хьалъотташ, бехктокхаме, дизза шоай гIулакхаш дIахьош хьабаьхкаб гIалгIай къонахий, аьнна.
