ГӀалгӀайчен дешара, Ӏилман кулгалхо йоккхача кхетаче дакъа лоацаш ва
ГӀалгӀайчен дешара, Ӏилман Министерствон кулгалхо Цхьорой Ахьмад-Башир дакъа лоацаш ва ӀХ-ча Халкъашта юкъерча Байкальски дешара кхетаче, из хьайийллар селхан Буряте. Кхетаче гулбелар эксперта, профессиональни юкъарлон викалаш. Цига дувца лерхӀ дешар дегӀадоаладара керттера дош.
«Карарча шера кхетаче дӀахьош хилара бахьан да, Россе доазон тӀа дешара дикагӀа йола проекташ кхоачашъяр. Тхо хьожаш да российски дешара оагӀон таронаш гойта, иштта хоамий медиахьалаш хьакхолла, цар дӀахо цаӀ йола дешара моттиг чӀоагӀъергйолаш. ЛоархӀаме хаттараш дувцарца, балха говзал дӀа-юха луш хиларца дикадараш юкъедоаладе таро хургья, цо ший аргӀагӀа Россе дешара дикал лакхъергья», - аьлар Цхьорой Ахьмад-Башира, яхаш, дийцар газетага ГӀалгӀайчен дешара, Ӏилман Министерствон зарбан болх лелабераша.
Халкъашта юкъерча Байкальски Ерригроссийски кхетаченна чудоагӀаш доккха вӀашагӀкхетар дӀахьоргда, мехка дешара министра Кравцов Сергея кулгал а деш. Цун доакъашхоша керттера терко тӀайохийтаргья, дешара даькъ тӀарча политиканна.
