ГӏалгӀайчен ГМИИ дакъа лоацаш я, Къилбаседа Кавказа культуран кхетаче
Шин дийнахьа, Железноводске РФ Юкъарлон палато, иштта СКФО гӀолла волча РФ Президента викало хьал а лоацаш, дӀахьош хилар «Къилбаседа Кавказ: халкъашта юкъера бувзам дегӀабоалабара культуран код» яха кхетаче. Цига дакъа лоацаш бар, ГӀР паччахьалкхен исбахьален искусствай болхлой, яхаш, хоам бир цу цигарча зарбан болх лелабераша.
Кхетаче лаьрхӀа яр культуран, Ӏаьдала, Ӏилман юкъарлон викалаш вӀашагӀтохара, дӀахо халкъашта юкъерча балха тӀа айхха бувзам лелабара, лоархӀаме декхараш кхоачашдара.
«Вӏашагӏкхетара чудоагӀаш, вай викалаша гойтар кулгаговзала балхаш, сурташ, культуран мах болча тӀехьален оагӀонаш, иштта ГӏалгӀайчен исбахьален Ӏадаташ. Ший болх цига гойтар цӀихезача искусствай болхлочо Цхьорой Аюпа. Гойтама чӀоагӀа терко тӀаяхийтар гулбеннараша. Цо моттигашта юкъера культурах дола къамаьл хоттадалара, халкъашта юкъера бувзам чӀоагӀбалара доккха дакъа юкъедена хилар», - аьлар ГӏалгӀайчен ИЗО музее.
