Из хоам бу, ГIалгIайчен Къаман Собране пресс-служба.

Донецках къаман республика хьайир 2014 шера, тушоли бетта 7-ча дийнахьа вIашагIъеллача Лакхерча Совете.

Цу дийнахьа кхайкайир, Донецках ший доалахьара мохк ба аьнна, чIоагIо еш йола Акт. Бекарг бетта 11-ча дийнахьа дIайихьар, ший бокъонаш лораярахи хьакхолларахи йола референдум.

75% селханарча Донецки областа бахархоша дакъа лаьцар референдуме, 90% наха, Донбасса паргIатон бокъо йоаккхаш, кхаж тессар. Цу хана денза, тушоли бетта 7-гIа ди, Донецк Къаман Республик я аьнна, кхайкадаь ди, лоархIаш да.

Цу лоархIамеча вIашагIкхетаре къамаьл деш, Къаман Собране унахцIенонахи социальни политикахи йолча комитета зампред волча Олиганаькъан Бадрудина белгалдир, из ди лакха лоархIам болаш долгеи, Россе Президента Путин Владимира Донецкацара, Луганскацара гIулакх ханнахьа нийсдаь, тоадаь хилари.

БархI шера, эрсий меттала къамаьл де йиш хургьйола бокъо яккха гIерташ кхийстаб Донецка бахархой. Вай мехкарча хIара сага хала дар, цига лаьттача харцонашта бIарахьежа, бехк боацаш наха Iазап тIакхахьар ла. Депутата доккхалца хьоахадир, гIалгIай къаман кагий нах, тахан, РФ къаман гварде юкъе шоай декхар дIахьош хилар, МЧС болх дIахьош шоашкара денал гойташ бахарах. Iаьдало хьалхашка оттадаь декхараш кхоачашдеш, сийдолаш чакхбоалаш ба къаман нах.

Иштта митинге дийцар, Россе Черноморски флота юкъе долча, «ГIалгIайче!» яхача ракетни хикемо тIема операцешта юкъе лоацаш долча даькъах. «Къаьстта белгалде дезар да, тахан цига латта хьал лаьтташ бахьан доацаш, наьха бокъонаш, цар моаршо, дIахо йодача хана ираз долаш баха цар аьттув хургболаш — оттадаь долга. Донецк паргIатонга йига лаьрхIа да из деррига!», — аьлар Олиганаькъан Бадрудина.

Саькур бетта 24-ча дийнахьа, дIайолайир Россе Украинера спецопераци. Керттера бахьан — Киевски режимо хьаоттаяьча харцонех кIалхара баьхача Донбасерча наьха, бокъонаш меттаоттаяр.