Германерча яхье котваьлар вай мехкара латархо
01.07.2024 12:53
ДӀадахача деношка грэпплингах (шийца латар лозавеш эшавар) йола турнир дӀайихьар Германе. Цу йоккхача яхьашка белгалваьлар вай мехкахо Бохтаранаькъан Ӏусман, 70 кг дозал дарашца латташ. Из хоам «Сердалога» бир чемпиона гаргарча наха.
«БархӀ бетта Ӏусмана Франце яьча кийчонах, боккха пайда баьлар. Кхозза араваьнна, лакха говзал гойта, хьалхарча лагӀа тӀа ваьлар Пхьилекъонгий-Юртара вахархо», - дийцар тха газетага.
27 шу мара даьннадеце а, дуккхача моттигашка хьалха волаш, хьавоагӀа из. Цо ше дувцачох, кхыча мехка ваха из дӀавахара бахьан - спортацара говзал лакхъяр, хьалхарча лагӀа тӀара спортсмен хила ловш хилар. Из хӀама дег чу латташ, хьалкхийнав из.
