ГӀалгӀай къаман
юкъара газет

Кердадараш

Палестинерча наха лаьрхӀа хӀамаш дӀаяхьийта кийча я

Палестинерча наха яхьийта Илдарха-ГӀалий тӀа гулъяь хӀамаш кийча я. Из хоам бир «Сердало» газетага шахьара мэре.

«ХӀамаш, шоай хила еззача беса дӀа-хьа нийсъяь, яьшкашка Ӏочуехка, дӀаяхьийта мара ца езаш, кийча латт. ГӀо де безам бола саг Магасерча «Тешам» яхача моттиге дӀатӀаваха веза», - йоах тхогарча хоамо.

Шахьара бахархоша, чӀоагӀа дог лазаш, хьаллаьцар из гӀулакх. ХӀаравар шийна могар де гӀертар. БӀарччача тоабаша доккха новкъостал даьд, уж хӀамаш гулъеш. Масала, № 3 йолча ишколерча «Дикал йовргьяц» яхача тоабо гулдаьча ахчах молхаш ийцай.

Вай къаман наха чӀоагӀа Ӏаткъаш хӀама да Палестине доаллар. Уж нах моастагӀех кӀалхарбахар дех вай массане Даьлагара!

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде