«Россе турпал» яха сийлен цIи елар Украине вахар хаьдача Хамхой Адама
За мужество и героизм, проявленные при исполнении воинского долга, указом Президента России гвардии капитану Адаму Хамхоеву присвоено звание «Герой Российской Федерации» посмертно, сообщили газете «Сердало» в пресс-службе Главы РИ.
Ульяновски ВДВ 31-ча бригада десантно-штурмовой рота командир хиннача Адама вахара денош хаьдар укх шера, бIаьсти, Украине дIайихьача тIема операцен юкъе. Рязанерча гвардейски воздушно-десантни командни училище деша ваьгIавар Адам. Ульяновске контрактах тIема декхараш дIахьош вар из. ТIема юкъе йоккхий човнаш яь лозавича а, ший хьалхле дIацахецаш лаьттав Адам. «Денал, майрал хьокхаш, дегаш ураувттадора цо шийна гонахьарча кагийча наьха. Шийна тIадила декхар дизза кхоачашдеш вахар Iодилар цо», — аьлар цун даьга Хамхой ЕрагIега дошо седкъа хьалуш. Из вар боккъонца вола офицер, тешаме командир, эзди новкъост. Иштта волаш ваха висав массане дегашка.
Мехкдас гаргарча нахага, оборонах йолча Министерства кулгалохочун гIонча волча Евкуранаькъан Юнус-Бекага, йиший воI валарах кодам бувцаш, кхайкадаьдар из гIулакх.
Келматанаькъан Махьмуд-Iаьлас белгалдир, майра офицер ший мохк лорабеш лаьтталга. Ший мехка дIавеллар Хамхой Адам. Дала гешт долда цох! Дала сатоха низ лолба гаргарча наха!
