Яндарерча Хачеруев ИбрахӀима, вӀашагӀъийнача латара яхьашка, котало яьккхар
02.06.2025 14:55
Яндарерча Хачеруев ИбрахӀима, «NFL-3» вӀашагӀъийнача латарах «Магас» спорта цӀагӀа дӀахьош хиннача Халкъашта юкъерча къовсаме котало яьккхар, яхаш, дувц «Сердало» газетага Наьсарен кхален администраце.
Шийца латаш хиннача чӀоагӀача спортсменагара Нажмудинов Билалагара, котало яьккхар цо. Яндарерча «Чемпион» яхача Берий-ондаргий спортивни ишколе Ӏомалуш волча ИбрахӀима кхоалагӀа бӀал болаш эшавир шийца яхьеваьннар.
Из бархӀлагӀа толам ба цо профессиональни даькъ тӀа боаккхаш бар, из бахьан долаш, цох оал ГӀалгӀайчен начӀал долча латархоех цаӀ ва, аьле.
Наьсарен кхален Ӏаьдало ИбрахӀим даькъалавувц цу коталонца, цун кхы а дукха толамаш хилар ловш.
