Олимпийски чемпион Халмарзанаькъан Хьасан Спартакиаде котваьлар, 81 кг дозал дарашца яхье ваьнна. Юххера а, цо котало йихьар хIирий спортсменагара Хубецов Аланагара. Цунца цхьана, ваьча вошас Хьусена дото майдилг яьккхар 90 кг дозалах.

Журналисташа Хьасанага а Хьусенага а луча хаттарашта юкъе дакъалоацаш бар: ГIалгIайчен спорта министра гIонча Моашхой Мухьмад, дукха ха йоаццаш ОАО сборнена хьалхара викал вола, дзюдох Азе чемпион, Къоастой Джафар, Россе цIихеза тренер Коазой Исраьил, Россе спорта мастер, дуненна чемпионата призер, олимпийски ловзарий доакъашхо Могашканаькъан Мувса.

Республика СМИ, иштта федеральни хоамий канале болх беш бола журналисташ ловш бар, цу кагийча наьха спортивни толамаш дахара болх мишта вIашагIбеллаб а, иштта дIахо йодача хана, регионе дзюдо дегIайоалаяра малагIа декхараш хьалхашка латт а, ха.