Вай мехкарча наькъашкара хатараш лаьгӀде къахьегаш ба
2024-гӀа шу дӀадоладелча денз, вай наькъашкара хьал дикка меттаденад ала мегаргдолаш да. «Наькъашкара хатараш лаьгӀдара тӀехьа, боккха болх дӀакхихьаб Ӏаьдала болхлоша», - белгалдир РИА дикагӀбараш къестабеш.
Россерча моттигашта юкъе, 100 машин хьаийцача нийслу хатараш теркалдича, 65, 6 да, вай мохк 10-ча моттиге латт. ДӀадахача шера цу хана хиннарел, 16,7% кӀезигагӀа да наькъашкара хатараш укх шера. РИА баьча къоастам беча балхо хьагойт из.
«ГӀалгӀай республикерча наькъашкара кхерамзлен хьал дикка тоадалар, кхыйолча моттигаша масал эца мегаргдолаш да карарча хана», - белгалдир РИА баьча тохкамо. Белгалде деза, авареш ма хулла кӀезигагӀа хилийтара тӀехьа, вай мехка боккха болх дӀахьош латтилга, таханарча хьало хьагойт, кхерамзлен хьал тоалуш доагӀилга.
