Молочанске аргӀанара гуманитарни мухь бахьийта кийчо еш ба вайцига
12.08.2025 16:48
Запорожски областерча Токмакски кхалерча Молочанске 20 тонн совгӀа цхьацца хӀамай мухь бахьийта кийчо еш ба тахан мехка. Цу юкъе ба дохадаь наькъаш, дешара моттигаш меттаоттаеча балха юкъе эшаш бола кхоачам.
«Тахан, вай мехка атта йоаца ха латтача хана, Токмакски кхален йохаяь моттигаш меттаоттаеш балхаш да дӀахьош. Мехка кхыйолча миӀингаша санна, вай республико а дакъа лоац цу балха юкъе. Из гӀулакх кхы а дӀахохьоргдолаш да», - белгалдир вай Мехкадас Келаматанаькъан Махьмуд-Ӏаьлас.
Вайцигара Ӏобохьийташ бола мухь цига тахан эшаш болча кхоачамга хьежжа кийчбеш ба. Молочанскера балхаш юхасовцаргдоацаш, ханнахьа Ӏокхоачадергда эшар.
