Вай республико «СКБ Контур» яхача оагӀонца бувзам чӀоагӀбир
12.12.2023 11:06
Технологе гӀулакх доаржадеш, цхьана болх дӀахьоргболаш вӀаший чӀоагӀо йир «СКБ Контурои» вай мехкои. Из хоам «Сердало» газетага бир промышленностахи бувзамахи йолча министерствос.
«Промышленностахи, таьрахьий гӀулакх доаржадарахи йолча министерствон кулгал деча Дорджиев Бадмаси АО «СКБ Контур» яхача фирман Къилбаседа Кавказерча макрорегиональни оалача оагӀонна кулгалдеча Марьин Алексейси, вай республике хоамий технологеш йоаржаеш бола болх дӀабахьа чӀоагӀо еш, каьхата кулгаш яздир», - йоах тхогарча хоамо.
Белгалде деза, цу гӀулакхо вай мехкара экономически хьал дикка тоадергхилар. Массайолча оагӀонашта беркате хургболаш, хьакимаша баь соцам ба из.
