ГӏалгӀайче Турцеца бувзам лелабеш хургья туристически даькъ тӀа
ГӏалгӀайчено ший туристически таронаш шеръеш латт- мехко кулг яздаьд цӀихезача туркий операторца
«KOSUKAVAK TOURӀSM TRAVEL AGENCY». Шоайла бувзам лелабара барт бир МӀТТ-2025 яхача Дунен халкъашта юкъерча 31-ча гойтаме.
Барт бара кулг яздар керттера да ГӏалгӀайче Туркий мехкарча туристически наькъашта юкъейоалаяра, яхаш, дийцар ГӏалгӀай Республикан Кулгалхочун, Паччахьалкхен зарбан болх лелабераша. Къаман туристически «Визит Ингушетия» яхача оператора керттерча кулгалхочо Котанаькъан Хьавас ший аргӀагӀа белгалдир, цу бувзамо туриста керда наькъаш хьаделлаш хилар, цул совгӀа цо таро лу республикан тамашийна культура йоаржае, халкъашта юкъера бувзам чӀоагӀбе.
Карарча хана кердача турий программаш тохкаш я, цар кхыча паччахьалкхен туристий терко тӀаозаргья.
