29 тонн хӀамаш йохьийтаргья вай республико Газе
Газерча халача хьале эттача бахархошта гӀо деш, ерригача Россе дӀахьош дола беркате гӀулакх хьаллоацаш ба вай мохк. Египте дӀайолхаш йолча машинех дӀакхетаргья, массехк сахьат даьлча, вайцигара 29 тонн хӀамаш ийца йода фура. Египтерча ЦӀеча бетта доакъашхой хургба Россера йоагӀа машин тӀаэцараш. Палестинцашта юкъе уж хӀамаш дӀа-хьа екъараш а уж ба.
«Газерча бахархошта лаьрхӀа 200 тонн совгӀа новкъостал дихьар вайцигара. Уж да тайп-тайпара худараш ду ялаташ, консерваш, цӀенонна эша гӀирс, чаьтараш, метта тӀа тувса кисеш, пешкаш, генератораш, молхаш (царех дукхагӀъяраш аптекаша хьатийна яр), барзкъаш, могаш боацарашта лаьрхӀа вордингаш, иштта кхыйола хӀамаш. Республикан бахархоша гулдаьча ахчах ийца яр ахаш хӀамаш»,- дийцар «Сердало» газетага мехка паччахьалкхене.
Хьалха оаха хоам баьбар, вай мехка карарча хана Ӏеш Палестинера 129 саг хиларах. Царна юкъе дукхагӀдараш бераш да. Эрсий мотт Ӏомабеш, вай культура йовзаш ба тахан вахарах беха уж мискаш. Берий театре, дукха ха йоацаш, шоашта кийчъяьча кхетаче дакъа лоацаш хилар уж.
