Къаманна бицлуц, ший майра къонгаш
ГӀалгӀайченна бицлуц, ший майра къонгаш. Денал долча бӀухой сийна «Турпалхочун парта» яха проект дӀахьош я массайолча ишколашка, яхаш, дийцар «Сердало» газетага «Даьхен Лорабой» яхача ганза моттигерча филиала викалаша.
«Дукха ха йоацаш, СВО доазон тӀа веннача Йовлой Зоврбика «Турпалхочун парта» оттайир Пхьилекъонгий-Юртарча №1 йолча ишколе, цига цо хьалхарча диъ шера дийшадар. Из велар, ший 38 шу даьннача хана. Зоврбик юкъера-говзала дешар дийша вар, цул тӀехьагӀа, лакхара дешар а дийшадар цо.
Юххьанца дика чакхъяьккхаяр Наьсарера ахархой колледж, цул тӀехьагӀа, 2009 шера Москверча гуманитарни академе эттавар из деша. Йовлой Зоврбика 2023 шера тӀема мугӀарашка отта лаьрхӀар», - йоах кепайоазоно беча хоамо.
Гаргарча наха яхачох, из дика оамал йолаш, моллагӀча новкъостал эшача сага гӀо де кийча вар.
