Гӏалгӏайче Россел хьалха я, къаман проекташ кхоачашъяр хьаийцача
Гӏалгӏайче хьалха я, къаман проекташ кхоачашъяра даькъ тӏа. Республикан ӏаьдало дӏа-юха йийкъай 98% контракташ, хӏаьта карара шу дӏадоладелча денз, кассе гӏолла чакхъялар 77% я. Федеральни Минфина яхачох, моттигера бюджет кхоачашъяр Россе юкъара долчун юхе лакхагӏа да бархӏ къаман проектах ялх проект кхоачашъяра хьал. Дикагӏа толамаш гойташ я Гӏалгӏайче вахара даькъ тӏа, экономике, шахьара хьалаш хьакхоллача - «Дезал», «Дӏаьха, дика вахар», «Кагирхой, бераш», «Экологи», «Вахара хьалаш хьакхоллар», иштта «Пайдане яхьаш, экономика» яхача паччахьалкхен программашта чудоагӏаш.
«Республикан Паччахьалкхенна тӏадиллар, карара шу чакхдалале тӏаийца декхараш кхоачашдар, уж балхаш чакхдахар. Хӏара болх тӏахьожам лоаттабеш дӏахьош ба, ший ханнахьа баь баргболаш. Карарча шера, къаман проекташта чудоагӏаш, ишколаш, вахара гӏишлош хьалъеш я; наькъаш, иштта юкъарлон доазонаш тоадеш, коммунальни боахама даькъ тӏара хувцамаш деш латт», - аьлар ший телеграм-оагӏон тӏа Гӏалгӏайчен кулгалхочо Келаматанаькъан Махьмуд-Ӏаьлас.
Республикан Кулгалхочо белгалдир, ерригача къаман проекташта кертте латтар Россе Президент Путин Владимир хилар. Цунца дувзаденна ӏаьдала доакъошта боккха бехктокхам тӏалатт - программаш кхоачашъяр, уж даьд алийта деш балхаш дац, уж да, хӏара вахархочунна хоалуш а хила еза дикал йола а хувцамаш.
