Гӏалгӏайчера гуманитарни новкъостал дохьийтаргда, СВО доакъашхошта
Гӏалгӏайчера юха а новкъостал дохьийтаргда СВО мугӏарашка латтача бӏухошта лаьрхӏа, иштта Запорожски областа Токмакски кхален бахархошта. Республикан Кулгалхочо Келаматанаькъан Махьмуд-ӏаьлас тӏадиллача декхарах, аргӏанара гуманитарни новкъостал вӏашагӏтохаш латт, из кастлуш дӏакхоачаргда ювцача кхален бахархошка, иштта лаьрххӏа йола операци дӏахьоча хьалхарча мугӏаре латтача бӏухошка.
Гӏалгӏай Республикан Кулгалхочун, Паччахьалкхен зарбан болх лелабечар ма аллара, цунна чуйоагӏаш я кхачан продукташ, технически оборудовани, тӏема тӏабувха гӏирс, Даьхе лораеш бараш хьаллацара.
«Вай декхар - бӏухой хьаллацар, иштта маьрша баха нах, Россе кердача доазон тӏа», - аьлар Гӏалгӏайчен кулгалхочо Келаматанаькъан Махьмуд-ӏаьлас, гуманитарни новкъостал кийчдеш хиларах дувцаш.
