Болх вӀаштӀехьабаккхарах йола моттигаш хьаелла лаьрхӀад республике
Болх, уйла яь, нийса дӀаоттабарах йола моттигаш хьелларах дийцар вай Мехкадас Келаматанаькъан Махьмд-Ӏаьлас Петербурге дӀайихьача къамашта юкъерча экономиках йолча кхетаче, РБК хаттарашта жоп луш. Из хоам «Сердалога» бир Мехкадаь зарбан болх лелабераша.
«Республике лаьрхӀад болх лерттӀа дӀабохийтаргболча, дӀаоттабергболча оагӀонцара моттигаш хьаелла, иштта Нохчий мехкаца а РЖДаца «Наьсаре-Сипсой-ГӀала-Шолжа-ГӀала» СКДФ доазув меттаоттадара тӀехьа болх дӀабахьа, Р-217 «Кавказ» яхача наькъа доазув дӀахо хьадеш латт», - йоах хоамо.
Йоккха терко тӀайохийташ дийцар вӀашагӀкхетаре Къилбаседа Кавказерча моттигашка хӀамаш хьакхахьийта аьттув луш дола керда наькъаш хьаделлара тӀехьа. Къамашта юкъерча «Магас» яхача аэропорта моттиг дикка тоаярах, кердадараш юкъедахарах хьоахадир къамаьле.
