ӏаьржа хий дена, халача хьале эттача Селий мехка гӏо деш я вай республика
Селий мехка этта хьал гонахьарча лоалахошта а йоккха хало еш да. Эзараш дезалаш шоай мел долча хӏамах баьнна бисаб, хий айдаларах. Иштта хьал эттача, чӏоагӏа лоархӏаме да оагӏув хьаллаца нах хилар. Вай республикера гӏо де хӏамаш яхьийтар цига. Республикерча Къаман фронта исполкома кулгал деш вола Тӏонганаькъан Башир «Россе тӏема моттигий ветеранаш» яхача оагӏон доакъашхошца хатар эттача ӏокхаьчар.
«Молхаш, цу оагӏонцара кхыйола хӏамаш, № 5 аптекера, ООО «Регион Юг» яхача оагӏонгара цхьацца кхоачам, мехкарча «Йоккха сомий беш» яхача моттигера ӏажаш, бизнесмен волча Ижинаькъан Исламагара кхача, «Кистинка» яха хий, метташ, иштта кхыдараш чудола яьшкаш ӏояхьийтар Селий мехка. Вай республика, Селий мохк дукха хана денз, вӏаший вошал леладеш хьабоагӏа. Эшача хӏаман гӏо де, уллув отта кийча хиннад вай массахана, тахан а да кийча», - дийцар «Сердалога» Къаман фронта доакъашхоша.
Цхьан мехка бахача нахага хьажар, могачох новкъостал де оттар лоархӏаме да, вай массахана кийча хургда кулг кховдаде.
