ГӀалгӀайчено кулг яздир Cелий мехкаца бувзам лелабара бартчӀоагӀама
Кавказски инвестицей кхетаченна чудоагӀаш, ГӀалгӀайченои Селий мехкои дӀахо дӀахьоргба шоайла бувзам лелабара болх - цар кулг яздир шинна оагӀорахьа барт бара долча каьхата.
Цу каьхато мехкашта юкъе массайолча оагӀорахьа бувзам лелабара наӀараш хьаелл: мах бара, экономиканна, Ӏилманна, культуранна.
ОагӀонаша чӀоагӀо йир промышленни корпорацецара, АПК доакъошцара болх лелабе, инвестицей проекташ хьаллацара, мехка бизнес-юкъарлоно дакъа а лоацаш.
Къаьстта терко тӀаяхийта лаьрхӀад хоамий технологей, иштта вахара коммунальни боахама хаттарашта. Барт бара чуйоагӀаш я вахара, цу даькъе унахцӀенон, дешара, Ӏилман, культуран оагӀонаш.
«Тахан кулг яздаро цхьана проекташ дӀаяхьара йола таронаш лургья, иштта кхоачашдергда хьалхашка латта вахара дешаш.
Баркал оал Сергей Алимовича, цо иштта толам баккхара тӀадерзадаь пайдане къамаьл дарах», - аьлар республикан кулгалхочо, ше тешаш хилар гойташ, ГӀалгӀайчени Селий мехкаи юкъера хьал чӀоагӀдергхиларах, цун бахархошта пайда а бахьаш.
