Токмакски кхалера йохаяь ишкол меттаоттае гӀо дергда вай республико
09.08.2024 21:54
Токмакски кхален Молочанск яхача шахьаре йохаяь № 2 йола ишкол меттаоттае гӀо де аьнна тӀадиллар вай Мехкадас Келаматанаькъан Махьмуд-Ӏаьлас. Ишкол тоаеш новкъостал де шоашта, аьнна, кхайкаб дешара моттига администрацера.
«Из дехар теркал ца деш дита йиш йолаш дац вай»,- белгалдир Мехкадас.
Республикан кулгалхочо яьча чӀоагӀонах, ма хулла сихагӀа Ӏодохьийтаргда ишкол тоаеш мел эшар. 39 оагӀонцара тайп-тайпара хӀамаш я ишколе эшараш.
«Бераш дӀачудолхача хана, ишкол боаггӀача боараме тоаяь латташ хилар лоархӀаме да», белгалдир Мехкадас. Мукъаяьхача моттигашкарча бахархошта эшаш дола гӀо лоаттаду вай мехко. ПаргӀатта деша, даха, ловза йиш йолаш хила деза цигара бераш.
