Россе моттигашкара суртанчаш, ара сурташ дехка бех Гӏалгӏай мехко
«ГIалгIайче - кхоллама доазув» яхача ерригача Россе исбахьален пленэре (ара сурташ дехкар) дакъа лаца ловрашкара дехараш чуийдеш болх дIаболабаьб тахан мехкарча Паччахьалкхен кхоллама музее, культуран гIулакхех йолча министерстве.
Берригача мехкара говзанчаш вIашагIтохаш йола йоккха, лоархIаме проект я из. Вай республикера тамашийна хоза, беркате йола моттигаш, дIаьхий дола Iалам довзийтаргда цу гIулакхо. ГIалгIай мехкара моттигаш, аренаш шоашта мишта гу хьахьокхаргда пленэра доакъашхоша. Российски Федераце тайп-тайпарча моттигашкара суртанчаш ба дакъа лаца бехараш. Из хоам тахан «Сердалога» кхаьчаб мехкарча кхоллама паччахьалкхен музейгара.
Тхога дийцачох, ерригача Россе пленэраца дувзаденнараш лаьрххIача ОагIон тIа довза йиш я. Цига гIолла ха йиш я программаца, хоржама балхаца дувзаденнараш. Из деррига довза безам бале, http://museumizori.ru/users/files/download36.htm яхача оагIон тIа дIатIавала веза.
