ГӏалгӀай мохк дакъа лоацаш хургба, «Дуне довзаш лела!» яхача Халкъашта юкъерча кхетаче
ГӏалгӀайче дакъа лоацаш хургья «Дуне довзаш лела!» яхача Халкъашта юкъерча туристически кхетаче, из дӀахьоргья Москверча ВДНХ майдан тӀа аьтинга бетта 10-ча денгара14-ча денга кхаччалца, яхаш, дийцар ГӏалгӀай Республикан зарбан болх лелабераша.
«Кхетаче дӀахьош я Россе халкъа цхьоагӀон Шу хиларца дувзаденна, цо вӀашагӀтох чурча, арахьарча наьха туризм, мехка экономикан сихагӀа дегӀайоагӀаш йола цхьа оагӀув санна», - аьлар республикан кулгалхочо Келаматанаькъан Махьмуд-Ӏаьлас.
Россе ерригача миӏингий викалаш дакъа лоацаш хургба цига, из вӏашагӏъеллар я «Росконгресс» яха ганз, РФ дегӀаахара Министерствос хьал а лоацаш.
ГӏалгӀайчен викалаша гойтаргда туристий наькъаш, инвестицей проекташ, культуран оагӀув. Укхаза республикан дика туристически таронаш хилар гойтаргда, кхетачен доакъашхошта гургья йицлургйоаца Ӏалама хозал, исторически сийленгаш, культуран йӀаьхий тӀехьале.
Из майда лаьрхӀа я, мехкаша дукхача хана шоайла бувзам лелабергболаш, туризм дегӀайоалаяра даькъ тӀа.
«Дуне довзаш лела!» яха Халкъашта юкъера кхетаче «Туризм, хьаьша тӀаэцар» яхача къаман проекта толамаш дувцара дика майда хинна Ӏац, из иштта йоккха таро я культуран мах бараш гойтара, шоайла яхьаш дӀаяхьара, туристий керда оагӀув кхоллара», - аьлар Макшарипа Махьмуд-Ӏаьлас.
Цу тайпарча кхетаченашка дакъа лоацаш, вай республико ше дӀагойт, безам тӀабодаш, кхерамзле йолаш, ший белггала мохк хилар. Цига вена хӀара турист ший тайпара сийрда дагалоаттам болаш вусаргва.
