ГӀалгӀайче дакъа лоацаш хургья «Команда РСМ» яхача ерригроссе яхье
ГӀалгӀайчен кагирхой дакъа лоацаш хургба «КомандаРСМ» яхача корпоративни яхье. Из вӀашагӀъеллар я Россе кагирхой союз, яхаш, дийцар «Сердало» газетага ГӀалгӀай Республикан кагирхой комитета зарбан болх лелабераша.
«Карарча хана, ГӀалгӀай Республикан кагирхой гӀулакха йолча комитета болхлоша вӀашагӀтох къонабараш. Шоаш студенташца дагабоалаш, Яражанаькъан Адама, Чахкенаькъан Ӏаьлас дийцар, Ерригроссе программах лаьца. Кхоане йолча кагирхой таро я диъ даькъах цаӀ харжа.
Россе кагирхой союза доакъашхой, нагахьа санна цар цу юкъе болаш 6 бутт ха яле; цул совгӀа, наха юкъе къамаьл дара балха говзал цар яле, уж «РСМ.Активист» яхача даькъа юкъебаха йиш йолаш ба. ЛаьрххӀа проектни балха кулгалхошта хьожаяь я Российски союза «РСМ. Болхло» яха программа. Россе кагирхой союза чубоагӀача зарбан болх лелаберашта дукхагӀа эшар я «РСМ.Медиа».
ХӀаьта «Команда» яхача Россе кагирхой союза чувоагӀараш, моттигерча командашта, Россе кагирхой союза хьалхарча тоабашта, студентий клубашта лаьрхӀа виъ саг ва. Дакъа лоацарашкара дехараш хьаийдергда, лаьрххӀа йолча Россе кагирхой союза сайта тӀа, саькура бетта 11-ча денга кхаччалца», - аьлар кагирхой боахаме.
Белгалду, котваьннача ийс сага 50000 сом лургхилар. Россе кагирхой союза таронаш я, моллагӀа йола керда организаци дегӀакхувла. Къаьстта совгӀат лургда РСМ моттигерча организацена.
