«Кавказерча къамий калейдоскоп» яхача фестивале дакъа лоац вай республико
«Кавказерча къамий калейдоскоп» яха фестиваль я тахан черсий мехка дӀахьош. Тайп-тайпарча къамех бола нах, цар культура, Ӏадаташ довзийтара тӀехьа вӀашагӀъелла кхетаче я из. Фольклора тоабаш хургья, цига дакъа лоацаш. Къилбаседа Кавказерча, ГӀибухерча федеральни куран къамий культура, тайп-тайпара балхаш гургда гулбеннарашта. ГӀирмера, Луганскера хьаьший хургба, цига дакъа лоацаш.
«Фестивала программо чулоац концерташ, къаман иллеш, барзкъа, кулгаговзал йолча наьха кхоллам.
Белгалде деза, хьокха оттаяьча хӀамашта юкъера шийна хоза хийттар эца йиш йолга. Фестивалерча хьаьшаша концерташ гойтаргда Хабез Хабезского яхача юрта, Усть- Джегута яхача шахьаре, негӀий Адиль-Халк яхача юрта», - дийцар «Сердало» газетага фестиваль вӀашагӀъеллараша. Вай мехкара цига бахача кхоллама оагӀон викалашта хьалха латтар ва МагӀалбика кхален культуран-салоӀама моттига кулгалду Китенаькъан СаӀид.
