ГӏалгӀайче дакъа лоацаш я «Росси- Ислама дуне: KazanForumе» яхача кхетаче
Казане дӀайолаелар «Росси-Ислама дуне: KazanForum». Из Россерча бусалба мехкашта юкъера бувзам лелабара майда хинна дӀаэттай. ГӏалгӀайчера цу кхетаче дакъа лоацаш викал хургва Илезов Михаил.
«Бусалба мехкашца къамаьл дара йола керттера российски майда я «KazanForum», тхо лаьрхӀа да, республикан накъабаргбола экономически бувзам царца лелабе», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
Кхетачен керттерчарех цхьа оагӀув хургья «RussӀa Halal Expo» мехка эггара боккхагӀа бола халкъашта юкъера гойтам, цига гойтаргья инвестицей проекташ, кхыйола вахарера проекташ, халяль-кхачан даараш. Цига дакъа лоацаш хургва Россера, кхыча мехкашкара 150 совгӀа саг. Гойтаме дакъа лацаро ГӀалгӀайчен таро лу «халяль» яхача базара наӀараш хьаелла.
«Бусалба нах бахача мехкашца республикан бувзам лелабар - из экономика хинна Ӏац, из да культуран бувзам чӀоагӀбар, ислама туризм дегӀайоалаяр, керда инвестицеш лахар», - аьлар Макшарипа Махьмуд-Ӏаьлас, кхетачено керда таронаш хьаелларгхиларах ше тешаш хилар белгал а деш.
