ГӏалгӀайче дакъа лоацаш я искусствон халкъий цӀайна юкъе
ГӀалгӀайчен викалаш дакъа лоацаш ба «Кавказа машар» яхача ХХӀӀӀ-ча Халкъашта юкъерча искусствон говзанчий фестивале. Из хетаяь я КБР паччахьалкхен Ди хилара. Нальчика бахархой, хьаьший таро я «Кавказа Машар» яхача Ӏадатий искусствон цӀайна юкъе дакъа лаца. Из дӀахьош йола дукха ха я, культуран тӀехьале йовзийта, тайп-тайпарча къамашта юкъера бувзам чӀоагӀбе дагахьа.
«Фестивале дакъа лоацаш я ГӏалгӀайчен исбахьален искусствон музея кулгалхочун гӀонча Йовлой Аьсет, ГӀайрбиканаькъан Ӏалихан. Цар шоашца кулгаговзала хӀамаш, суртий гойтама сийрда оагӀув енай, цо хьаьшашта гойтаргда гӀалгӀай къаман культуран, искусствон дакъа. Оаха дег чура даькъалабувц ГӀаьбартой-Балкхарой бахархой цу цӀайца, ГӏалгӀайчен говзанчий кхоллам бовза аьттув хилба шун», - аьлар «Сердало» газетаца ше къамаьл деш ИЗО Паччахьалкхен музея кулгалхочо Тӏумхой Любас.
