СКФО гӀолла СВО ветераний Ассоциаце балха юкъе дакъа лаьцар вай мехко
Укх деношка Селий мехка хиннача СКФО СВО ветераний Ассоциаце кхетаче дакъа лоацаш хилар вай мехкара хьинардараш. Из хоам «Сердалога» бир цига бахараша.
«Даьхен лорбой шерца хоттабенна болх ба из. Кхаь дийнахьа Махачкале хиннача кхетаче дукха лоархӀамедараш чулаьцар. СКФО а Москвера а 120 доакъашхочо доашхар, ялх беттал совгӀа бувзаме боацаш болча , 90 ди даьлча суде яьча чӀоагӀонга гӀолла дийна боацаш ба аьнна соцам баьча СВО доакъашхой дош. Ӏаьдалгара хьадоагӀаш долча ахчанцара гӀулакх чакхдаккхара тӀехьа эшаш да из.
Генетически оагӀонцара хӀама гулдеш чакхбаккха безаш лоархӀаме болх ба из», - йоах тхога бенача хоамо. Иштта цига гойтар «СВО къахьегам» яха, ветеранашта болх бе моттигаш луш йола проект. Дукха пайданедараш дайзар доакъашхошта «Юрта къахьегаш хилар: оагӀув хьаллацарца дувзаденнараш» яхача сессега гӀолла. Селий мехкара Минсельхоз, Минтруд яр цига дакъа лоацаш. АПК оагӀонцара болх бе моттигаш йовзийташ, цхьацца говзалех дийцар доакъашхоша…
ТӀема доакъашхошта гӀо дар чулоацаш, президентски, страховой, моттигерча хӀара беттарча берий ахчах дийцар цига.
Кхетаче чакхйоалаш, вай мехкарча, нохчий, хӀирий, черсий, гӀаьбартой-балкхарой, селий мехкашкарча Ассоциаце оагӀоний кулгалхошта «СВО дакъа лацарах» яха майдилгаш елар.
