«300 совгӀа доакъашхой гулбеннабар Ильичевск яхача юрта дӀахьош хиннача цу гулламе. Бехке хьаьший баь, тӀаийцар цига вай мехкахой. Муш дӀа-хьа увзабеш, кхертӀой кхувсаш, «жӀаргаш-бурилгаш» яха ловзар хьокхаш, товрашцара латар гойташ къахьийгар кагирхоша. Геттара чӀоагӀа теркам тӀаозаш дар герз вӀашагӀдаьккха, тӀаккха юха из вӀашагӀдолларца дувзаденна гӀулакх», — йоах тхогарча хоамо. «Кагирхой дог гӀоздаьнна хилар гӀадвугаш дар. Къамашта юкъера бувзамаш, барт чӀоагӀбеш, хоза Ӏадаташ, культура, истори довзийташ хул иштта йола кхетаченаш. Юртарча кагирхошта дукха хӀама довз, цунга хьежжа, вӀаший бовзаро а боккха пайда бу», — белгалдир Малсаганаькъан Адама.