Экстремизма духьаларча Нальчике кхетачен доакъашхо я Гӏалгӏайче
ГӏалгӀай кагирхой дакъа лоацаш бар, Къилбаседа Кавказа федеральни куран халкъашта юкъерча, «Кагирхошта юкъе экстремизма, терроризма хьал даржаргдоацаш, цунна духьалъоттар» яхача дешашта хетаяь хиннача кхетаче, из дӀахьош яр ГӀаьбартой-Балкхарой Республике.
«ЛаьрххӀача тӀема операце ветерана, кагирхой гӀулакхех йолча Комитета болхлочо Шоанахой Муслима кулгал деш, кагирхой дакъа лоацаш хилар таханарча заман хьалхашка нийслуш дола хаттараш дувцача. Цига дийца керттера дош дар, тахан кхувш боагӀараш экстремизма юкъебаха гӀерташ къахьегаш хилар юхатоха дезилга. Иштта дийцар къовсам лоаттабара балха оагӀонаш чӀоагӀъярах, кагийбараш юкъебоахаш цу тайпара кхетаченаш дӀаяхьарах, юкъарлонна проекташка цар дакъа лацарах, цунца цхьана кхерамзлен хьалаш хьакхолларах», - аьлар хоамо.
Къамаьл деш, доакъашхоша шоайла балха говзал дӏа-юха елар, иштта чӀоагӀо йир Къилбаседа Кавказе лоархӀаме дола цу даькъ тӀара хаттараш кхоачашде.
