Даьй, ноаной комитетий Ерригача Россе Москверча съезде дакъа лоацаш хилар вай мохк
21.11.2025 09:51
Москве дӏахьош хиннача даьй, ноаной комитетий съезде дакъа лоацаш хилар вай мехкара кхо саг. Из хоам «Сердалога» бир «Бералла наькъаш» яхача проекта доакъашхо йолча Коазой Миланас.
«Тахан латтача ханаца бераш кхедар мишта хила деза дийцар кхетаче. Федеральни оагӏонцарча моттигашца бувзам болаш, болх дӏабахьарах дийцар цига. Вай мехкара Москверча пионерий Цӏагӏа яха хилар «Бералла наькъаш» яхача проектаца болх дӏахьош йола Гӏоандалой Хадижа, Эккажкъонгий-Юртарча № 2 йолча ишколерча даьй, ноаной комитета хьалха латта Иленаькъан Мадина, Йоккхача Ачалкхерча № 17 йолча ишколерча комитета кулгалду Коазой Тамара», - йоах тхога бенача хоамо.
