Селашкахьа тайп-тайпара къаман пхьоал гойтача, дакъа лаьцар вай мехко
24.06.2025 10:15
Къамий исбахьален оагӀонцарча балхашта хетабаьча Селий мехкарча гойтаме-ярмарке, дакъа лоацаш хилар вай мехкара викалаш.
«Вайцигара цига бахар туризмах йолча комитета хьалха латта Цхьорой Мухьмад, республикерча пхьарий Ассоциаце президент Галай Адам. Махачкалерча говзанчий аллее гойташ хиннача хӀамашка хьежар уж, туризмах йолча министерствон кулгалхочун гӀонча волча Габибуллаев Мухьмадаца.
Лакха начӀал гойтарал совгӀа, селий къаман Ӏадаташ юкъелаьца яр гойта оттаяь хӀамаш», - дийцар тха газетага. Пхьарашта грамоташ енна, доккха баркал аьлар, иштта говза балхаш кхолларах.
