«Массе оагӀорахьара кхерамзле» яхача халкъашта юкъерча фусаме, дакъа лоацаш хилар республика
30.05.2024 09:01
«Массе оагӀорахьара кхерамзле - 2024» яхача къамашта юкъерча фусама балха юкъе дакъа лоацаш хилар мехкарча кхаь кхален кулгалхой: Къоастой Ӏаддал-Хьамид, Татенаькъан Ӏийса, Лаьнанаькъан Ахьмад. Тахан Москве дӀайихьай из кхетаче.
«Бувца болх дӀахьош яр Россе МЧС. Боккхача мехка мел йолча миӀингашкара доакъашхой гулбеннабар цига. Эггара керттерча лагӀа тӀа оттадир гулбеннараша кхерамзлен оагӀонца дувзаденна дешаш. ЦӀи дӀайоаеш болча балха юкъе эшаш дола дукха тайп-тайпара гӀирсаш дар цига хьокха оттадаь», - йоах «Сердалога» кхаьчача хоамо.
Белгалде деза, из хӀанз 15-гӀа къамашта юкъера фусам йолга. ХьатӀабоагӀача бетта 1-ча денга кхаччалца дӀахьоргба из болх.
