БРИКС яхача кхетаче дакъа лоацаш я вай республика
Москверча «Экспоцентре» дӀахьош я халкъашта юкъера VӀ-гӀа БРИКСа чуйоагӀача шахьарий кхетаче. 126 мехкарча 500 шахьарера гулвеннача 5000 эзар сага юкъе ва Наьсарера мэр Йовлой Урусхан, ЖӀайрахьа кхален кулгалхо Лаьнанаькъан Ахьмад. Из хоам «Сердалога» бир Наьсарерча администраце зарбан болх лелабераша.
Йоккха программа я кхетачен доакъашхошка хьежар. Шахьарерча кхоачамбоацарех, кердадарех, хӀетта хьаяьннача технологех, иштта кхыдарех дувцаш кхетачеш дӀахьоргья цхьан истола гонахьа. «БРИКС яха кхетаче боккха аьттув луш я.
Республикан эггара йоккхагӀа йолча шахьара да волча сона боккха пайда беш я из. Тахан, шахьарера экономика, инвестицей оагӀув тоабеш къахьегача хана, кхыбараша леладераш, юкъедаьхараш довза чам ба сона», - белгалдир Йовлой Урусхана.
