«ГӀалгӀайче, цхьан сага салаӀара йолча цу моттигах бехаш бола мах 4,8 эзар сом ба. Из дика таро я лоаман ГӀалгӀайчен хозал гора, вай республике салоӀа ха хоза дӀаяхьара», - йоах хоамо.

Белгалдаккха деза, хӀара шера туристаш дукхагӀа хулаш боагӀилга; вай мехкара меттел, кхыча паччахьалкхера а нах ух вайцига салаӀа. ГӀалгӀайче царна лаьрхӀа хоза хьалаш хьакхоллаш латт, тамашийна хоза Ӏалам, иштта дика нах, хозача моттигашка гӀолла вугаш дола наькъаш, мах бола къаман тӀехьаленаш цига го йиш йолаш я.