Корта бохабу малар эггара кIезигагIа мелача РФ моттигашта юкъе я вай республика
19.12.2023 12:24
Эггара дукхагIа корта бохабу малар мелаш, эггара кIезигагIа из малар мелаш йола моттигаш гучайоахаш; дIабихьача балха юкъе, вай республика, Нохчий мохк, Селий мохк эггара кIезигагIа из мелачарех ба, аьнна, белгалдир. Из хоам «Сердало» газетага бир паччахьалкхен зарбан болх лелабераша.
«Из болх дIахьош, теркалбир корта бохабеча маларах байнараш, «къаракъ мелар» яха лазар дола нах, менна болаш яь авареш, къаракъ дохкара гIулакх, малара тIагIолла хьахинна зуламаш», - аьлар республикан кабмине.
ДIабихьача тохкамо хьахьекхачох, эггара дукхагIа корта бохабу малар мела моттигаш я Буряти, Чукотка, Курган, Сахалин, Алтай.
