РФ Паччахьалкхен Дума депутат вола Валуев Николай вена хилар вай мехка
ЦӀихеза боксёр, РФ Паччахьалкхен Дума депутат вола Валуев Николай венавар вай республике. Магасе ягӀача дунен тӀа эггара лакхагӀа йолча гӀалан чурча музее гӀолла экскурси йир боксёра хьалхарча дийнахьа. Из хоам «Сердало» газетага бир Магасерча культурахи, спортахи, туризмахи болча оагӀон зарбан болх лелабераша.
«100 метр лакха йолча музей чугӀолла урагӀводаш, вай къаман истореца, Ӏадаташца, культураца дувзаденна дукха хаттараш хилар хьаьшан. Туризм йоаржаярах йолча Паччахьалкхен Дума комитета доакъашхо хиларга хьежжа, дунен дукхача моттигашка гобоахарех ва Николай.
Культурахи, спортахи, туризмахи болча оагӀон болхлошта доккха баркал аьлар цо, иштта хоза сайре дӀаяхьа аьттув баларах, ший гӀулакхага хьажарах, дуккха дикаш кхоачашде таро хийла шун, аьнна, ловца баьккхар. ГӀалгӀай мехка эггара хьалха вена Валуев Николай; чӀоагӀа тамаш еш хилар селлара йоккха, хоза хьалъяьча Магасерча гӀалах.
