«ДукхагIа, пенсионераш (маIа нах 60-шу совгIа, кхалнах 55-шу совгIа) даьннараш леш йола моттиг лоархIаш я Новгородски область: цига из ха яьннача 100 эзар сага духьала 5,97 эзар валар нийслу. Цунах йоах ростата 2021-ча шера беча хоам тIа. КIезигагIа нах бейна моттигаш, цу ха яьннача наха юкъе, ГIалгIайче хилар (2,06 эзар.), Ямало-Ненецки (2,52 эзар), Чукотке (3,02 эзар) — автономни округашка. Иштта, валар лаьгIа долаш моттиг лоархIаш я Дагестан, пенсионерашта юкъе дIалаьрхIача (3,09 эзар), Ханты Мансийски автономни область (3,26 эзар)», — аьлар эксперташа, шоаш лоарххIаме цифраш ювцача хана.

«Цу тайпара, нах кIезигагIа а дукхагIа а бахаш хилара йола башхало хила тарлу, лорий новкъостал цхьацца йолча моттигашка дIа ца кхоачаш хиларах. Из иштта дувзаденна да больницаш ца тоаш хиларца, могаш воацача сага лорашка чакхвалара йола, диагностически оала отделенеш ца хиларах, регионашка аптекаш ца тоаш хиларах. Цул совгIа, наха юкъе унахцIено лелаяра йола пропаганда дIахьош хиларах тийша а дукха да», — аьлар юкъарча практика лора Прокофьев Дениса.