ГӀалгӀай къаман
юкъара газет

ДНР, ЛНР лаьрххӀа йола операци дӀахьоча юкъа 460 тонн гаргга новкъостал даьд ГӀалгӀайчера

Ингушетия за период проведения СВО отправила в ДНР и ЛНР почти 460 (457) тонн помощи для жителей ЛНР и ДНР и российским военнослужащим, исполняющим свой служебный долг по защите интересов и безопасности Российской Федерации, информировали газету «Сердало» в пресс-службе руководителя республики.

ГӀалгӀайчера цу моттигашкарча бахархошта, иштта цига лаьрхх1а йолча операце дакъа лоацаш болча бӀухошта тайп-тайпара новкъостал даьд. Цу юкъедоагӀаш да 230 миллион сома маьха кхачан а технически а новкъостал. Кердача федеральни доазон тӀа бахача наха дӀаде фу деннад, 50 тонн гӀишлон материалаш дӀаяхьийтай, 70 тонн инженерни г1ирсаш, цу юкъе электрогенератораш, йӀовхал луш йола х1амаш, кхыдола вахаре эшараш.

«Донецки, Лугански областашка бахача наха новкъостал дара беррига ГӀалгӀайчен бахархой оарцагӀбаьлар. ХӀамаш гулйир ишколашка, предприятешка, дезалашка.

Массане а дика новкъостал дир цу юкъе, хӀаравар хӀана вац аьнна шийгара дакъа юкъедахьа хьожаш вар», — аьлар ГӀалгӀай Республикан кулгалхочо Келаматанаькъан Махьмуд-Ӏаьлас.

Цо иштта белгалдир, ГӀалгӀайчера нах гӀулакхаца а дешаца а новкъостал дара даим а кийча хиннаб, аьнна. Цо дӀахо аьлар, тахан лаьрххӀача операце дакъа лоацаш ГӀалгӀайчен бӀухой хилар доаккхал де дезаш да, аьнна. Царна а цар гаргарча наха а эшаш дола новкъостал дергда Ӏаьдала оагӀорахьара. Гулъяь хӀамаш дукхагӀча даькъе бӀухошта чӀоагӀагӀа эшараш яр.

ГӀалгӀайчен «Йоккхача сомий бешо» Ӏажаш бахьийтар, молаш дола цӀена хий дахьийтар Ачалкхерча «Ачалкх» хий доаккхача заводера, коартолаш — моттигерча фермераша, чай, шекар, дулхах баь кхача — «Эко-Муслима» къахьегамхоша а «Южный» оалача оалхазараш леладераша а.

Гуманитарни мухь ийца, лаьрххӀа ше ваха хилар ГӀалгӀай Республикан кулгалхо Келаматанаькъан Махьмуд-Ӏаьла, цун цига кхетаче хилар бӀухошца. Царна эшаш дола новкъостал а дир. Цо белгалдир цар денал, майрал.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде