Энергетикаша дукха дийцар, ара ди детташ тIоа сегаш хилча, догIа доагIача хана мишта лоравала веза токах. Цу хана тховнаш тIа, гаьнаш тIа вувла йиш йоацалгах, тока аьшкасаьргаш долча моттигашта юхе вахар геттара унзара долгах.

Токо човхаваь саг кIалхара ваккха йиш я Даьла къахетамца де доагIаш дола новкъостал цун де ховраш юхе хуле, аьлар болхлоша. Уж деррига хIамаш яздаь брошюраш дIаийкъар цар берашта дикка Iомадергдолаш.

Тока аьшкасаьргаш долча юхе аха хIана йиш яц, тIоа сегача хана чкъаьрий лувцар кхераме хIана да, ток техача сага фу де доагIа эггара хьалха, — из деррига а дийца ца Iеш, лора ца валаро деча зенах дIакхетаду бераш тха болхлоша.

«Кхерамедараш довзе а, мелла доккха зе хила йиш я лора ца валарах хац берашта тахан. Тха декхар да, ма дарра цу хIамаех уж дIакхетабар», —  аьлар «Ингушэнерго» филиала кулгалдеча ТIоаршхой Рамзана.

Бераш лорадарах йола из программ ерригача моттигашка дIахьош я тахан. Берашта хьокха видеороликаш, экскурсеш ю ток йолча моттигашка, викторинаш, конкурсаш дIакхухь.