Хьоашалха йийхача Мордоверча паччахьалкхен теникий театра режиссер, Шахова Лиля, болх беш я ТЮЗа актерашца цхьана, дагестански драматурга Абу-Бакра оттаяь «Говорящий кувшин» постановка кийчъеш.

Кастлуш, 30 дийнахьа моаэжола бетта, 16 сахьат даьлча, ТЮЗа сцена тIа премьера гургья.

Актерех а сюжетах а лаьца тхона дийцар театра пресс-секретара Пхьаранаькъан Марианнас.

«Хьалхарча аргIах спектакль лаьрхIа я дезалла. Цудухьа дика хетаргда, бераш хинна а ца Iеш, цар даьй-ноаной хьажа баьхкача.

Сюжетах лаьца. Гаьнарча ханашка Зирек-Геран фаьлгий паччахьалкхене хиннар дувц цу тIа. Къаьнара пхьар Хабиб (цунна роль ловзаер ва Янгульбаев Эмир), из ший балха говзанча ва, ший йоIаца Зумрудаца (актриса Курскенаькъан Римма) цIаьхха цунна кораду йохаяьча топпарах яьча кхабилга чура ший даь дас яздаь каьхатеи, ше зIамига волаш яь хинна топпарах яь ловзоргеи.

Цу тIа язду, нагахьа санна Хабиба эзар кхабилг йой цхьа чIоагIа дика хIама нийслургда аьнна. Уж кхабилгаш яра дIабахийта безаш бола топпар ба, цхьан хана даь-дас дIалочкъабаь хиннар.

Из кхабилг дийнъяларца къамаьлде йолалу. Из роль я Льянанаькъан Радимайга.

Бакъда, дог цIена доаца нах из кхабилг дIаяккха овттаргба. Балха тIера хиларо, ший гIулакх дег чура дезаш хиларо новкъостал ду царна воча нахах котбала.

Цу фаьлга маIан да-ираз мичахьа корадергда яхалга, (КIаценаькъан Батарбека) корадаьчча бесса, из виссавар пхьара Хабиба дезале ваха. Шийна деза гIулакх леладар, шийна тIехьа дика гIулакхаш дитар — из да ираз», — аьлар юххера а Пхьаранаькъан Марианнас.