ГӏалгӀай спортсменаша къорабарий Россе яхьашка толамаш даьхар
ГӏалгӀайчен эллиной-румий латара спортсменаша толам баьккхар Россе хьалхале къайсача къорача наха юкъе, Москве дӀахьош хиннача яхьашка. Яхьаш дӀайихьар 15 шу даьннача спортсменашта юкъе, яхаш, дийцар «Сердало» газетага ГӏалгӀай Республикан спортивни латара Федераце.
«Эллиной-румий латара ГӀалгӀайчен ишколе Ӏомалуш бараша гойтар шоай профессионализм. Цу яхьашка дакъа лоацаш бар мехка 14 моттигера баьхка викалаш. Вай спортсменаша кхо моттиг яьккхар тайп-тайпарча боарамах йола. Метта тӀа латаш (уралатташ е уллаш) спорта говзал гойтарах, Батайнаькъан Iаддал-Малика 75 кг дозал дарашта юкъе чемпион хилар хьакхайкадир. Янданаькъан Рамзан (38 кг) коталон тӀакхача цхьа гӀа мара эшаш вацар. 48 кг дозал дарий даькъ тӀа Ӏатиганаькъан Исроапила майдилг елар», - аьлар хоамо.
Цу тӀехьа гулъяьча тоабо даьха толамаш кхоачалуш дац. Налганаькъан Тимура, ТӀахӀира хьехамца кхувш долча бераша республиканна 3-гӀа моттиг ера, юкъара команда толамаш дӀалаьрхӀа хиларца.
