Владимирера кхо майдилг ера вай мехкахоша
«Ади-Ахьмад» яхача спортивни клубе Ӏомалуш бараш, кхо майдилг яхьаш цӀабаьхкар Владимире дӀахьош хиннача эллиной-румий латарх йолча Ерригроссийски яхьашкара, яхаш, дийцар «Сердало» газетага ГӏалгӀай Республикан спортивни латара Федераце.
«Вай мехкахошта юкъе лакхара моттиг яьккхар Йовлой Мухьмада. Цо эшавир селашкахьара 97 кг дозал дола шийца яхьеваьнна спортсмен. Бӏарахой Ислам (77 кг) летар чот 5:5 йолаш, бакъда кхелахоша цунна дото майдилг хьожайир. 72 кг дозал долча Бӏарахой Мухьмада кхоалагӀа моттиг яьккхар», - аьлар хоамо.
Тимофеев Дмитре дагалоаттама дӀахьош хиннача Хьалхале яккхара яхьашка латаш хилар 180 спортсмен, уж бар 24 шерга кхаччалца ха йолаш. Хӏара спортсмена лоархӀаме дар ше дика кийчо яь хилар гойта, хӀана аьлча котало яккхарах царна къаман гулъяьча тоабан юкъе Европан хьалхале йоаккхача баха моттиг кхоачар.
