9-16 шерга кхаьчарашта юкъе дӀайихьача яхье, 8 майдилг яьккхар вай спортсменаша
Мехкашта юкъе дӀайихьача, шоай лоӀамеча кӀалкхетаргах латарах йолча яхье, 8 майдилг йоаккхаш белгалбаьлар вай къона спортсменаш. Из хоам «Сердалога» бир тренер волча Гаркхой Шамала.
«Бераш лорадарах долча Ден хетаяьча, Шолжа-ГӀалий тӀарча «Олимпийск» яхача спорта моттиге дӀайихьача Халкъашта юкъерча яхье гулбеннабар вай мехкара, Селий, ГӀаьбартой-Балкхарой, ГӀалмакхий мехкашкара, Узбекистанера, иштта нохчашкахьара спортсменаш. Шин дийнахьа шоай дегӀа низ гойташ хилар 300 совгӀа латархо», - дийцар тха газетага. Долакха-Юртарча спорта ишколерча спортсменаша тайп-тайпарча дозала майдилгаш яьхар цига.
«Лакхача говзалах» яха майдилг кхаьчар Осменаькъан Мансура, шоллагӀча лагӀа тӀа баьлар Шовхаланаькъан Ахьмад, Баркинхой Ювсап, Коазой Мухьаммад, Манкенаькъан Ӏаддал-Рахьман, хӀаьта борза майдилгаш Манкенаькъан Адама, Коазой Хьусена, Гаркхой Мухьмад-Амина кхаьчар.
