ГӀалгӀайчен Ӏаддалхой котбаьлар, Кисловодске хьалхале яккхара яхьашка
Россе бархӀ моттигера 90 спортсмен, цу юкъе ГӀалгӀайче а йолаш, гулвелар Кисловодска кулгалхочун Кубок яккхара тӀехьа дӀахьоча Ӏаддалхой йийллача яхье, яхаш, хоам бу ГӀалгӀай Республикан паччахьалкхен зарбан болх лелабераша.
Яхьаш дӀайихьар кхаь даькъа йийкъа: хьожа ца деш Ӏадсаькх кхоссар, классически, чоалхане (блочни) Ӏадсаькх кхоссар. Массанахьа вай кагирхоша из гӀулакх шоаш дика кхетадеш хилар хьагойтар, совгӀатий моттигаш а яьхар.
«Хамхой Мусас яьккхар КЛ-хьожа ца деш Ӏадсаькх кхоссара йолча классах 1-ра моттиг, ЦӀечой Мухьмада – 2-гӀа моттиг яьккхар классически Ӏадсаькх кхоссарах, Чопанаькъан Аслана чоалхане Ӏадсаькхах кхоалагӀа моттиг яьккхар. Хьожа ца деш кхувсача КЛ-кхоалагӀа моттиг яьккхар ГӀалгӀайчен викала Баркинхой Мовлдина.
ГӀайтакханаькъан Аслана Россе спорта мастера кандидата боарам кхоачашбир,559 очко йолаш», - аьлар ГӀалгӀай Республикан паччахьалкхене.
