Россе яхьашка котало яьккхар гӏалгӏай спортсмена
15.02.2026 09:49
21 шу даьннарашта юкъе дӏайихьача Россе ший лоӏаме кӏалкхетаргах латара яхьашка котало яьккхар вай мехкахочо Чаненаькъан Заьлмахас. Из хоам «Сердалога» бера цу оагӏонцарча федерацера.
«Мехка ерригача моттигашкара 350 совгӏа спортсмен вар, коталонга кхача гӏерташ, шоай низ гойташ хиннараш. Укх бетта 12-ча денгара 15-ча денга кхаччалца, Буро тӏа хилар яхьаш. 61 кийла долча дозал долчарна юкъе котало яьккхар «Вольник» яхача клуба доакъашхочо Чаненаькъан Заьлмахас.
Лакхерча лагӏа тӏа вала гӏертача пхе спортсменал котваьлар вай мехкахо. Эггара тӏехьа Нохчий мехкарча Индирбаев ӏусманаца летар из, толам боаккхаш (7:6)»,- йоах тхога бенача хоамо. Спортсменаца къахьегаш хинна хьехамчаш ба Тӏумхой Руслан, Чербажанаькъан Адам.
